Auguri ai "Sardi nel Mondo" dalla Regione Sardegna
Antonello Liori, Assessore del Lavoro, Formazione professionale Cooperazione e Sicurezza sociale della Regione Autonoma della Sardegna invia ai "Sardi nel Mondo" i migliori auguri di Buon Natale e Felice 2012 con le parole "Notte de Nadale" del poeta Antioco Casula di Desulo, meglio conosciuto come "Montanaru".
Est sa notte 'e Nadale. In campanile
de gloria faeddan sas campànas.
Su sonu passat giannas e fentanas
e pienat d’isperu ogni foghile.
Pagu est su inu e senza pett'a rustu
cun duru pane subra ’e sas mesas.
Sun de sas gherras sas domos offesas
e ogni coro ’e lagrimas insustu
Ca in cust'ora santa de sa chena
in s'aera, in sa terra e in su mare
sun sos fizos luntanos a gherrare
chissà cun cale riscu e cale pena.
In sos ninnigos dromin sos pizzinnos
e forzis sunnian dies d’abundanzia
piena de cosas bellas dogn'istanzia
de canzones, de giogos e tintinnos.
Su sonu ’e sas campanas treme treme
chircat montes iscuros e barraccos
ue meres, pastores e teraccos
vigilan chei sa notte ’e Betteleme
E pregan silenziosos e cun zelu
pro chi torret s’antica bonidade
a sa zente de bona voluntade
chi promissu han sos anghelos in chelu.
Ma non torrat sa bonidad’antiga
a sa terra de odios bramosa:
pro cussu si distendet sambenosa
e non dat fruttos s'umana fatiga.
27.12.2011
Est sa notte 'e Nadale. In campanile
de gloria faeddan sas campànas.
Su sonu passat giannas e fentanas
e pienat d’isperu ogni foghile.
Pagu est su inu e senza pett'a rustu
cun duru pane subra ’e sas mesas.
Sun de sas gherras sas domos offesas
e ogni coro ’e lagrimas insustu
Ca in cust'ora santa de sa chena
in s'aera, in sa terra e in su mare
sun sos fizos luntanos a gherrare
chissà cun cale riscu e cale pena.
In sos ninnigos dromin sos pizzinnos
e forzis sunnian dies d’abundanzia
piena de cosas bellas dogn'istanzia
de canzones, de giogos e tintinnos.
Su sonu ’e sas campanas treme treme
chircat montes iscuros e barraccos
ue meres, pastores e teraccos
vigilan chei sa notte ’e Betteleme
E pregan silenziosos e cun zelu
pro chi torret s’antica bonidade
a sa zente de bona voluntade
chi promissu han sos anghelos in chelu.
Ma non torrat sa bonidad’antiga
a sa terra de odios bramosa:
pro cussu si distendet sambenosa
e non dat fruttos s'umana fatiga.
27.12.2011