Sonnios de pizzinnu
Di Lorenzo Costantino Brandinu
M'ammento chi in sa menzus pizinnia
cun cumpanzos giocande in sas argiolas
mi vantavo chi a mannu fattu aia
sicuramente su mastru iscolas
sun cuddas cosas nadas da inossente
chin veru coro e cun cunvinzione
issos mi rispondian certamente
bi resessis ca ses già professore
minde bidio in iscola già insegnande
sa classe totu silenziosa e attenta
l'impigno a essere onesta e trabagliante
gasi cada pizinnu si l'ammentat
nde finin sas iscolas e intantu
cuminzo a imparare it'est intragna
chene mi dare tempus de ispantu
mind'agatto pastore in sa campagna
piantu disisperu e isperanza
pro ca sa sorte non cherio azettare
in domo non b'aiat abastanza
dinare pro sichire a istudiare
e mi pario cundennau innossente
gherrande chin faticas e affannos
pro poder emigrare in continente
però dep'issettare sos vint'annos
in Milano m'agatto a trabagliare
ott'oras de fatica e de sudore
e tres oras sa die a studiare
chircande unu riscattu pro s'onore
e pro deg'anno sico cussa vida
e cantas bortas pesso pianto tottu
duminicas e festas intr'e chida
su compitare m'it un avolottu
pro me fit'una vida bestiale
ca tropu sacrifiziu it cuss'usanza
mi pico su diploma magistrale
e finarmente m'acco una vacanza
como trabaglio prus tranquillamente
che unu c'at secau sas cadenas
azudo sos pizinnos e sa zente
e familias c'an mannos sos problemas
cando benin dae mene contepizo
e pesso a cal'est menzus de caminu
los ascurto, guido e los cussizo
nd'agatto calicunu malandrinu
tott'ora trabagliande appo un ammentu
cuddu desizu 'e sa pizinnia
e pesso su matessi so cuntentu
ca tracciada l'app'eo sa sorte mia.